ஏழு தடவை விழுந்தாலும் எந்திரிக்கணும்
ஜப்பான்ல ஹிரோஷிமா நகரத்தோட நடுப்பகுதியில, வசந்த காலத்தோட மெல்லிய காத்துல செர்ரி பூக்கள் அசைஞ்சு ஆடிட்டு இருந்துச்சு. அங்க தாகேஷினு ஒருதன் தற்காப்புக் கலை கத்துக்கிட்டு இருந்தான். குரு ஹிடோங்கிறவரு அவனை நல்லா உதைச்சு உதைச்சு ஜூடோ சொல்லிக் குடுத்தாரு. தாகேஷி ரொம்ப பலசாலியா இருந்தாலும், அவனை ரொம்ப கஷ்டப்படுத்தின ஒரு விஷயம் இருந்துச்சு. அது என்னன்னா, தான் தோத்துடுவோமோன்னு பயப்படுற ஒரு வியாதிதான்.
ஒவ்வொரு தடவையும் அவன் பயிற்சி பண்ற இடத்துல எதிராளி அவனைத் தூக்கிப் போட்டு மிதிச்சான்னா, இவனுக்கு ரொம்ப ஏமாற்றமாவும் கோவமாவும் கூடவே பயமும் வந்துரும். "நான் ஏன் இப்படி திரும்பத் திரும்ப விழுறேன்?"னு அவன் புலம்பிட்டிருப்பான். தன்னோட மீசையில படிஞ்ச மண்ணைத் தட்டிட்டு, மறுபடியும் எந்திரிக்கறதுக்குத் தயங்குவான்.
ஒரு சாயந்திரம், உடம்பெல்லாம் வலி எடுக்குற மாதிரி பயிற்சி பண்ணி முடிச்சப்பறம், தாகேஷி டொஜோவுக்கு வெளிய உக்காந்திருந்தான். தூரத்துல, முன்னாடி அழிஞ்சு போன ஹிரோஷிமா கோட்டை புதுசா கட்டி கம்பீரமா நின்னுட்டு இருந்துச்சு. அது மறுபடியும் இப்படி எழுந்து வரும்னு யாரும் எதிர்பார்க்காத ஒன்னு. அப்படி அவன் யோசிக்கும்போதுதான் குரு ஹிடியோ அவன் பக்கத்துல வந்து உக்காந்தாரு.
"இந்த நகரத்தோட கதை உனக்குத் தெரியுமாடா?"ன்னு குரு கேட்டாரு.
தாகேஷி தலைய ஆட்டி ஆமான்னு சொன்னான். "இது அழிஞ்சு போச்சு… ஆனா மறுபடியும் எழுந்து நின்னுடுச்சு."
குரு ஹிடியோ மெதுவா சிரிச்சாரு. "நீயும் அதே மாதிரி தான் எந்திரிக்கணும்."
மறுநாள் பயிற்சி பண்றப்போ, தாகேஷி திரும்பத் திரும்ப விழுந்தான். ஆனா இந்த தடவை, அவன் முனங்கவோ இல்ல தயங்கவோ இல்ல. ஒவ்வொரு தடவையும் அவன் எழுந்து நின்னு, தன்னோட உடம்பை சரி பண்ணிக்கிட்டான். அவனோட மனசு கொஞ்சம் கூட தளரல.
வாரங்கள் போயி மாசங்கள் உருண்டோடுச்சு. ஒரு நாள், ஊருக்குள்ள நடந்த போட்டியில, தாகேஷி ரொம்ப பலமான ஒரு எதிராளியைச் சந்திச்சான். அவன் இவானா வேகமாத் தூக்கித் தரையில போட்டான். ஆனா நம்மாளு அப்படியே துவண்டு போகாம, புது உற்சாகத்தோட எழுந்து நின்னுட்டான்னா பாருங்க!
ஒரு மின்னல் வேகத்துல, யாரும் குறை சொல்ல முடியாத அளவுக்கு அவன் எதிர்த்தாக்குதல் பண்ணி அந்தப் போட்டியில ஜெயிச்சும் போட்டான்.
அதுக்கப்புறம், அவன் குரு ஹிடோ முன்னாடி பணிவா தலை குனிஞ்சப்போ, அந்த வயசானவரு பெருமையா தலையசைச்சாரு. "ஏழு தடவை விழுந்தாலும், எட்டாவது தடவை எப்படியும் எந்திரிக்கணும். அதுதான் ஒரு போர் வீரனுக்கு ஜப்பான் சொல்லிகுடுத்த பழமொழி."
